Moh katbe's picture

عيّن خيّو ..

بهالأيام اللي عم نعيشا، نحنا كتير بحاجة للسلم الأهلي، وفهم قيم التعايش السلمي، إن كان بكلمة، غنية، أو حتى لوحة، مبادرة طلعت معنا من حاجة الشارع اللي بيمروق عليه باليوم الواحد كتير عالم ومن مختلف الفئات العمرية، من حاجته أنو نفهم بعض وأنو نحنا عايشين مع بعض، مبادرتنا رح تنشر رسائل سلام وقيم مبادرون، بالأسلوب القريب ع كل العالم، واللي هو النموذج البصري، وعن طريق لوحات ورسومات (Street Art)، رح ننشر قيم السلام وقيم مبادرون برسمات وعبارات تصل لجميع الفئات بطريقة بسيطة حتى نحول الشي يلي مالو روح (الحيطان، الأرصفة، والشوارع) لشي عندو روح ومو أي روح، روح السلام، للأسف القتل والموت كتروا ببلدنا، بدنا نوصل قيمنا للناس بنظرة ونغيرلهم هالمفهوم، صح نحن بحرب بس عنا سلام موجود بقلوبنا مافينا ننساه بدنا نطالعوا بلوحات نرسمها بطريقة غير مألوفة، ونكتب قيم وكلمات وجمل كمان بطرق جديدة، المبادرة طلعت معنا لبناء جسور سلام بين جميع أطياف وألوان المجتمع السوري.
مبادرتنا فريقها شباب مهتم بالفن وبآمن بقدرة الفن بالتأثير عالمجتمع، فريقها شباب من حلب اللي عايشة حرب مجنونة، ومن اللاذقية يلي ضمت كل ولاد بلدنا ..

فريق المبادرة: لمى دريباتي (اللاذقية)_محمد كاتبه (حلب).

التعليقات

osama kzzo's picture
Sun, 2014-09-14 13:15

مبادرة رائعة أدعو الجميع لدعمها ,,,,

osama kzzo's picture
Sun, 2014-09-14 13:20

مبادرة رائعة أرجو من الجميع دعمها,,

Anas Shalesh's picture
Thu, 2014-09-18 23:48

فكرة رائعة جدا ..

SILVA ISMAEL's picture
Sun, 2014-09-21 12:40

حلو كتير هالمبادرة وفعلا احنا بحاجة للالوان بشوارعنا
عندي سؤال من بعد اذنك (ملاحظة انا بعرف انو لما فنانة رائعة ورسوماتها بتجنن بس هالسؤال مو الي هالسؤال لاي شخص بدو يفوت وما بيعرف لما قديشها فنانة حلوة)
كيف رح يتم اختيار الرسومات والجمل؟
يعني شو المعايير الي رح تتبعوها ؟
شو بعرفني انا انو بدل ما تحسنو الخصائص البصرية والجمالية ما يصير في تلوث بصري؟
ملاحظة انا صوتت بخمس درجات للمبادرة برجع بقول لاني معجبة بفنها للما ..
بتمنى تجاوبو على هالاسئلة للناس الي ما بيعرفو لما

Moh katbe's picture
Sun, 2014-09-21 17:58

عراسي الله بجزيك الخير يارب ^_^

Moh katbe's picture
Sun, 2014-09-21 19:07

كلامك رائع كتير سيلفا وشكرا كتير الك ولدعمك لمبادرتنا """ المعايير نحن رح نخلط بين فن الشوارع بس رح نحولوا لإيجابي ورح نكتوب قيم مبادرون وقيم السلام """
طريقة التنفيذ نحن رح نعمل غروب ونزل السكتشات الأولية قبل تطبيقها على الجدران والارصفو والدروج ورح نعتمد أكتر الرسمات يلي بتكون اقرب للواقع واجملها وهاد طبعا بالتشارك مع الكل ..... رح نتواصل مع نوادي أفلاطين ورح نخليهم يرسموا هنن لوحات ونفذلن ياها عأرض اواقع ^_^

Haritha Badenjke's picture
Mon, 2014-09-22 19:14

كتير حلوة وفكرة ذكية بدها شغل وبدها فن ودراسة افكار الناس وما يجذبهم

Design and Development by FIREWALL